Njohësi i sigurisë, Nuredin Ibishi duke folur për zgjedhjet që po mbahen në katër komunat veriore tha se Qeveria e Kosovës ka bërë të pamundurën që të jetë një proces i rregullt dhe demokratik për t`u kryer votimi.
Në lidhje direkte për Tëvë1, Ibishi tha se Lista serbe u ka bërë presion qytetarëve serb që të mos dalin në votim.
Ai tutje tha se qëllimi i qeverisë serbe është që me formimin e asociacionit të komunave, sipas tij, mund të vihet deri te një pranim për kyçjen e institucioneve në katër komunat veriore.
“Unë mendoj që Qeveria e Kosovës ka bërë gjithë atë se cka është e mundur me qëllim që të jetë një proces i rregullt dhe demokratik për t`u kryer ky votim. Lista serbe ka urdhëruar që mos të dalin për votim qytetarët serb iu ka bërë presion të vazhdueshëm. Kjo është arsyeja pra, është pritur që do të ketë incidente, por mendoi që qëllimi i qeverisë serbe është që një formë të prezantojnë te komuniteti ndërkombëtar që vetëm me formimin e asociacionit të komunave mund të vihet deri te një pranim për t`u kyqur institucionet në katër komunat në veri”, deklaroi Ibishi./teve1.info/