Në vendin ku dikur ëndërronte për lirinë erdhi sërish.
E pranverën e vitit 98-të, kur la fakultetin dhe iu bashkua radhëve të Ushtrisë Çlirimtare të Kosovës, Besim Gashi e kujton me nostalgji.
Pas disa javësh mobilizim e stërvitjeje në Shtabin e Përgjithshëm të UÇK-së në Divjakë të Lipjanit, Besim Gashi vendosi që për këtë t’u tregojë prindërve të tij.
“…i befasoi e i emocioi ata, pastaj nana ka fillu me kundërshtu vendimin tem edhe pse ai ishte i pakthyeshëm sepse unë isha veç i uniformum edhe me armatim, kish javë që isha mobilizu në UÇK, e baba më kujtohet pas një heshtje më tha qëndro faqebardhë”, ka thënë Gashi.
E zotësia e Gashit u tregua më tutje.
Prandaj ai u bë pjesë e rëndësishme e njësitit special të Shtabit të Përgjithshëm të UÇK-së.
“Pas stërvitjeve jam caktu si komandant i togut të parë dhe zv komandant i njësisë speciale. Detyrat tona kanë qenë sulmet ndaj forcave serbe gjatë luftimeve në pozita ku ata nuk e kanë prit, ka qenë marrja e informacioneve mbi kapacitetet ushtarake të forcave serbe nëpër të gjithë territorin e Kosovës. Detyrë e kemi pasë përcjelljen e krerëve të UÇK-së në zonat e rrezikshme”.
E gjatë luftës, Gashi bashkë me ish-komandantët e togjeve këtë dhomë e shfrytëzuan për akomodim.
Për të janë ende të freskëta edhe bisedat që bënte me shokët.
“Qysh na ka ndalë policia, qysh na kanë maltretu, tash na është dhënë shanca me luftu kundër okupatorit por edhe momente tjera si dikush është njoftu me një vajzë, qysh dikush ka banu në bodrumet në Prishtinë…”
Pas kaq vitesh, ai vazhdon t’i shërbejë atdheut.
Gashi është pjesë e FSK-së, dhe shërben si atashe i mbrojtjes në Republikën Federale të Gjermanisë.
