Kurti këto komete i ka bërë duke po folur për sulmet në veri që po bëhen kundër zyrtarëve të Policisë së Kosovës.
Kurti e ka thënë se këto sulme kishin qëllim vrasjen e policëve.
“Nuk janë sulme mbi të mirat materiale e as mbi qytetarët por janë sulme mbi policët ku qëllimi ka qenë të vritet.Me strukturat ilegale të Serbisë, me krimin e organizuar nuk do të ketë asnjë gram tolerancë nga Qeveria e Kosovës, shtetii Kosovës dhe nga Policia e Kosovës”, ka thënë Kurti pasi ka bërë homazhe tek shtatorja e Zahir Pajazitit, të hënën, raporton teve1.info.
Sa i përket rritjes së nivelit të sigurisë pas sulmeve ndaj pjesëtarëve të PK-së, ai tha se për këto ngjarje është duke bërë hetim dhe vlerësim Ministria e Punëve të Brendshme dhe Policia e Kosovës.
Kurti ka komentuar edhe deklarimet e presidentit Vuçiq se Britania ka furnizuar Kosovën me armatim të llojit anti-tank.
Ai ju ka sugjeruar gazetarëve që deklaratat e tilla mos t’i marrin si fakte.
“Deklaratat që vijnë nga Beogradi nuk mund të merren assesi si fakte, këtë e ka treguar edhe e kaluara. Për të gjitha masat që do ti marrim ti referoheni FSK-së, Ministrisë së Brendshme, Qeverisë së Kosovës”, tha Kurti.
