Një grua është vrarë mëngjesin e sotëm nga bashkëshorti i saj në Pejë.
Zëdhënësi i policisë për rajonin e Pejës, Driton Rugova ka thënë se ngjarja ka ndodhur në rrugën “Bill Clinton” dhe se i dyshuari është arrestuar.
“Sot rreth orës 08:15, Policia është informuar se në rrugen Bill Clinton në Pejë, ka ndodhur një rast, Policia menjëherë kanë dal në vendin e ngjarjes gjithashtu edhe ekipi mjekësor të cilët kanë konstatuar vdekjen e viktimës ( femër), i dyshuari këtij rasti është arrestuar dhe ndodhet ne objektet e Stacionit Policor në Pejë”, tha Rugova për tëvë1.info.
Kjo është vrasja e dytë brenda një jave që po ndodhë në vendin tonë, para pak ditësh edhe një 21-vjeçare në Ferizaj, u vra nga ish-bashkëshorti i saj.
