Në mungesë të pajisjeve për të shfaqur disa video-incizime në gjykatore, ishte shtyrë seanca për grabitje në rastin e Dardan Krivaqës, për një datë kur salla adekuate është e lirë.
Kjo është vetëm një prej rasteve kur seancat shtyhen, pasi jo të gjitha sallat janë ta pajisura me mjetet e nevojshme teknike.
Por, një problem të tillë nuk do ta kenë më gjykatat në Kosovë.
Këshilli Gjyqësor i Kosovës, përmes një përgjigje për teve1 ka thënë se përmes donacionit nga Ambasada Amerikane, do të filloj projekti për modernizimin e gjykatave.
Projekti do të zbatohet gjithsej në 27 gjykata, 7 janë Gjykata Themelore dhe 20 të tjera janë Degë të Gjykatave Themelore.
“Me qëllim të implementimit të këtij projekti janë paraparë për tu zbatuar disaaktivitete:1. Pajisja e të gjitha sallave të gjykimit të Kosovës me pajisje audio incizuese,për të cilat është paraparë të që instalohen 88 pajisje për audio-incizime.2. Pajisja e shtatë sallave të gjyqit rajonal (një sallë gjykimi për çdo GjykatëThemelore) me audio/video incizim, përkthim simultan dhe pajisje video-konferencash, me mundësinë e dhënies së dëshmisë së dëshmitarit tëmbrojtur audio dhe video nga distanca gjatë seancave gjyqësore”., ka thwnw Kwshilli Gjyqwsor i Kosovws.
Tutje në përgjigjje thuhet se do të trajnohen stafi administrativ për përdorimin e këtyre pajisjeve.
“Pajisja e zyrës së gjyqtarëve që trajtojnë çështjet penale me pajisjetranskriptimi, ku janë paraparë të instalohen 129 pajisje të transkriptimit.Trajnimi i dhjetë personelit teknik të TI-së për funksionimin dhemirëmbajtjen e sistemit.7. Trajnimi i stafit për përdorimin e pajisjeve, 260 gjyqtarë dhe personeladministrativ duhet të trajnohen”.
Avokati Ardian Bajraktari, mungesën e pajisjeve audio-vizuele e sheh si pengesë të drejtpërdrejt në efikasitetin e punës.
“Nënkupton trajtimin në rritjen e efikasitetit në kryerjen e procesve gjyqësore në kohë të arsyeshme e cila për sistemin tonëështë një sfidave të mëdha sepse seancat dhe proceset gjyqësore zvarriten dhe në këtë drejtim pajisja me këto aparatura do të ndikonte shumë në rritjen e efikasitetit të sistemit gjyqësor”, ka deklaruar ai.
Muajin e kaluar, zyrtari i lartë amerikan, Todd Robinson, bashkë me kryesuesin i Këshillit gjyqësor të Kosovës, Albert Zogaj dhe drejtorin e Shërbimit Korrektues, Ismail Dibrani, kanë nënshkruar marrëveshjen për donacionin prej 6 milion eurosh për pajisjen e gjykatave me mjete për ‘audio dhe videoincizim.
Teksti nga gazetarja: Gresa Bardhecaj.