Përkundër reagimeve, sulmet ndaj Policisë së Kosovës po vazhdojnë.
Jetët e policëve që kanë qenë duke udhëtuar për në pikat kufitare në Jarinje e Bërnjak, vlerësohet se kanë shpëtuar falë veturave të blinduara.
Por vetura që u bëjnë ballë trazirave, Policia e Kosovës kishte provuar të blejë qysh një vit më parë.
Në nëntor të vitit 2021, ky institucion shpalli tender për furnizim me automjete për trazira.
Si kriter ishte përcaktuar çmimi më i ulët.
Në njoftimin e publikuar në faqen zyrtare të Komisionit Rregullativ të Prokurimit Publik, thuhet se shuma e parave që janë ndarë për këtë tender është 1 milion e 21 mijë e 749 euro.
Për këtë tender, kishin dalë 4 ofertues.
Por asnjëri nuk e fitoi atë.
Kjo pasi që në dhjetor u njoftua se tenderi u anulua.
Kësisoj, Policia e Kosovës ka mbetur pa automjete të destinuara për kohë trazirash.
Kornika e realizuar nga gazetarja Florijeta Dernjani.
