Newcastle Unitedi i ka bërë ofertë zyrtare Juventusit për sulmuesin Federico Chiesa, kanë njoftuar të hënën mediumet italiane.
Chiesa ka kohë që monitorohet nga Newcastle, ekip që po shpreson të siguroj shërbimet e 26-vjeçarit këtë verë.
Mësohet se për kartonin e Chiesas, skuadra angleze ka ofruar 40 milionë euro duke pasur parasysh se sulmuesi ka kontratë me Juventusin deri në vitin 2025.
Chiesa është pjesë e Juventusit prej vitit 2020 kur iu bashkua nga Fiorentina, ndërsa këtë edicion ka shënuar 8 gola dhe ka bërë 2 asistime në 28 paraqitje në të gjitha garat.
Krahas Newcastle Unitedit, situatën e Chiesas tek Juventusi po e monitoron edhe skuadra e Liverpoolit. Chiesa, gjithashtu ka edhe 45 paraqitje dhe 7 gola të shënuar me fanellën e Italisë.
