Policia e Kosovës në rajonin e Ferizaj, ka arrestuar shtetasin kosovar, E.Q, i cili duke mashtruar klientët në cilësinë e menaxherit ka arritur të përfitojë për vete një shumë të hollash në vlerë 35 mijë euro.
Ai këto mashtrime i kishte bërë nga periudha Janar-Mars të vitit 2024.
“Pas veprimeve hetimore është vërtetuar, se personi i dyshuar E.Q ( viti i lindjes 2000) m/k., me pozitë menaxher në një kompani private, në periudhën Janar-Mars 2024 kishte arritur që përmes faturave dhe klientëve fiktiv, për vete të përfitoj një shumë të hollash në vlerë 35 mijë euro, duke i shkaktuar dëm kompanisë ku ai mbante këtë pozite. Më këto veprime, i dyshuari E.Q. duke mos zbatuar detyrimet që rrjedhin nga kontrata dhe përgjegjësitë si menaxher, dyshohet të ketë kryer veprën penale “Keqpërdorimi i autorizimeve ekonomike“ nga neni 284 i KPRK-së”, thuhet në komunikatën e policisë.
Me aktvendim të prokurorit i njëjti dërgohet në mbajtje për 48 orë.
