Dy ndeshje interesante e vendimtare për pozitat e para zhvillohen sot, në kuadër të javës së 27-të, që rikthen futbollin e Superligës në Kosovë.
Prishtina – Ballkani dhe Malisheva – Drita janë duelet e ditës së shtunë, që pritet të marrin vëmendjen dhe interesimin e publikut.
Prishtina është e pesta dhe me nëntë pikë larg vendit të katërt, derisa Ballkani si lider synon vetëm fitoren, pasi çdo rezultat tjetër favorizon Llapin me një pikë më pak.
Përfituese mund të jetë edhe Drita, por përballë ka ekipin që ka bërë senzacionin në këtë edicion, Malisheva, që me një fitore i afrohet kreut edhe më shumë.
Malisheva është e katërta me 47 pikë, tri më pak se gjilanasit në vendin e tretë.
Të dy ndeshjet e së shtunës, zhvillohen nga ora 15:00.
