Mesfushori Ardon Jashari do të largohet nga skuadra e Luzernit për ta vazhduar karrierën në kampionatin e Belgjikës.
Mediumet zvicerane kanë bërë të ditur të premten se Jashari do t’i bashkohet ekipit Club Brugge me të përfunduar edicioni aktual.
Thuhet se palët tashmë kanë arritur marrëveshjen dhe transferimi i Jasharit do të zyrtarizohet gjatë pasi Brugge do të paguajë 6 milionë euro për kartonin e tij.
Jashari, i cili është kapiten i Luzernit është monitoruar edhe nga Celticu i Skocisë, por oferta e Brugget ka bindur zviceranët për ta liruar 21-vjeçarin.
Interesim për Jasharin para fillimit të këtij edicioni shfaqi edhe Baseli, por Luzerni refuzoi ofertën për mesfushorin defensiv.
Ai ka kontratë me Luzernin deri në vitin 2026, ndërsa këtë edicion ka shënuar 6 gola dhe ka asistuar 3 herë në 32 paraqitje në të gjitha garat.
Jashari është produkt i akademisë së Luzernit kurse prej janarit të vitit 2022 është pjesë e ekipit të parë. Po ashtu, ai ka edhe 2 paraqitje me Zvicrën.
