Sipas tij, ka ende ndikim të politikës në gjyqësor ku në botën demokratike cilësohet si ndërhyrje e politikës në sektorin e drejtësisë.
“Çështja tjetër që raporti përmend është edhe çështja e ndikimit politik në gjyqësor. Pra është përmendur që akoma ka ndikim të politikës në gjyqësor, sidomos kur flasim për njerëz të politikës që në një farë mënyrë akuzojnë prokurora për gjyqtar me emra, ose cështjet që lidhen pra me komentimin e vendimeve gjyqësore nga ana e politikës. Pra cdo tendencë e njerëzve të politikës për t’i komentuar vendimet gjyqësore në botën demokratike konsiderohet si ndërhyrje e politikës në sekorin e drejtësisë”, tha Demhasaj.
Tutje, ai tha se njëra ndër pikat kryesore që raporti i prek është ajo e kërcënimit të gazetarëve, e sidomos e atyre gazetarëve hulumtues.
“Pra, pak a shumë këto janë pikat kryesore që raporti i prek, por ajo më e rënda është ajo e kërcënimit të gazetarëve, aty thuhet madje që ka filluar të ketë frikë të gazetarëve hulumtues për të raportuar çështje të ndryshme. E kur flasim për Kosovën e cila pretendon me u afru me strukturat euroatlantike, me Bashkimin Evropian dhe struktura tjera, e në anën tjetër ne po flasim për një tendencë të frikësimit, kërcënimit të gazetarëve, atëherë cila është rruga që Kosova duhet ta ndjekë”, u shpreh ai.
