“Ne si aleancë që nga viti 2003 e kemi fokusuar fuqizimin e prodhuesit vendor. Tashmë kur po e shohim që është kriza, qeveria po e sheh se çfarë gabimesh kanë bëtë të njëpasnjëshme që nuk kanë prodhuar politika më shumë nxitëse për fuqizim të prodhuesit vendor. Dhe ne pothuajse me asnjë produkt ushqimor nuk i plotësojmë as kërkesat tona për konsum prandaj ne kemi pasur mundësi që disa prodhime tona t’i fuqizojmë më shumë që të mos varemi shumë nga importi por të kemi produktet tona”, tha Shahini.
Ai më tutje në emisionin “Ditari”, në Tëvë1 tha se shumë prodhues vendor kanë cilësi dhe teknologji shumë më të mirë se të Bashkimit Evropian por për shkak të përkufizimeve të legjislacionit dhe mungesës së vizave ata po kufizohen.
“Kosova importon drithëra dhe nuk eksporton dhe se eksporti i Kosovës është shumë i vogël në krahasim me importin. Shumë prodhues të vendit kanë cilësi dhe teknologji shumë më të mire se të Bashkimit Evropian por nuk kanë mundësi të depërtojnë atje për shkak të përkufizimeve edhe të legjislacionit por edhe të lëvizjes së lirë të vet bizneseve mungesë të vizave. Rreth 10 për qind nga 90 për qind sa ne importojmë produkte të gatshme, eksportojmë edhe ato jo të gjitha të gatshme si mbetje prandaj eksporti i Kosovës është shumë i vogël dukshëm në krahasim me importin që ne importojmë.”, tha Shahini në Tëvë 1.
Shahini ndër të tjera gjatë emisionit “Ditari” foli edhe për rritjen e çmimeve në Kosovë duke e krahasuar edhe me vendet e Ballkanit.
“Kemi vajin ushqimor më çmim më të lartë në Ballkan. Po ashtu edhe derivatet e naftës pikërisht për shkak të akcizës prandaj ne i kem rekomanduar qeverisë heqjen akcizës në disa produkte dhe heqjen e tatimeve në disa produkte tatimore ku të gjitha këto do ta ndihmonin qytetarin dhe biznesin, këtë praktike e kanë përdorur të gjitha shtetet”, tha ai.
