Në mbledhjen e 244-të të Këshillit Prokurorial të Kosovës (KPK), Milot Krasniqi u zgjodh anëtar i Këshillit nga radhët e Prokurorisë Speciale të Republikës së Kosovës (PSRK).
Me 8 vota për, Krasniqi u zgjodh të martën anëtar i KPK-së nga radhët e PSRK-së, kurse në votim abstenuan Besim Kelmendi dhe Dardan Vuniqi.
Në këtë votim nuk mori pjesë përfaqësuesi i shoqërisë civile, Visar Krasniqi, i cili përmendi reagimin e shoqërisë civile për çështjen e përfaqësimit gjinor dhe tha se është i bindur që ka shkelje.
Po ashtu, ai tha se e njeh kandidatin dhe për të parandaluar konfliktin e interesit, zgjedh të mos marrë pjesë në votim.
Ndryshe, më 15 mars 2024, në objektin e Prokurorisë Speciale u votu për zgjedhjen e një anëtari të Këshillit Prokurorial të Kosovës (KPK) nga radhët e PSRK-së, teksa garës i ishin nënshtruar dy kandidatë, prokurori Milot Krasniqi dhe prokurorja Habibe Salihu./BetimipërDrejtësi