Një qytetari në Ferizaj i është shqiptuar gjobë prej 300 eurove pasi është kapur nga Policia duke vozitur nën masën mbrojtëse të patent-shoferit, raporton teve1.info
Sipas Policisë së Kosovës, shoferi i cili ishte nën masën 6-mujore të ndalimit të vozitjes, i është zgjatur kjo masë edhe për gjashtë muaj të tjerë si dhe gjoba prej 300 eurove.
“Policia Rajonale e Komunikacionit Rrugor me datën 18.03.2024 rreth orës 19:00 në rrugën magjistrale Ferizaj-Shtime, saktësisht në fshatin Slivovë të Ferizajt ka ndaluar shoferin A.L (M/K) i moshës 25 vjeçar, i cili ka drejtuar veturën e tij nën masën mbrojtëse që e kishte të ndaluar drejtimin për 6 muaj, prej datës 02.11.2023 – 02.05.2024. Ndaj tij policia i shqiptoi një gjobë tjetër për kundërvajtje 300 euro dhe vazhdim i masës mbrojtëse, heqje e patent shoferit edhe për 6 muaj tjerë, nga data 02.05.2024-02.11.2024”, thuhet në komunikatë.