Lionel Messi nuk do të marrë pjesë në turneun që përfaqësuesja e Argjentinës do të zhvillojë në SHBA. Mungesa e fituesit të Topit të Artë vjen si pasojë e një dëmtimi të lehtë të futbollistit në këmbën e djathtë.
Kjo është bërë e ditur nga “MLS”, kampionat ku luan kampioni i botës. Liga profesioniste amerikane publikoi listën e futbollistëve që do të jenë të angazhuar me ndeshjet e përfaqësueseve në muajin Mars. Në të mungonte mungonte emri i Lionel Messit.
Argjentina ka në plan të zhvillojë 2 sfida miqësore më datë 22 dhe 26 Mars. “Albiçelestët” do të përballen ndaj El Salvadorit në Philadelhpia dhe 4 ditë më pas kundër Costa Rica-s në Los Angeles.
