Policia e Kosovës përmes raportit ditor ka dhënë detaje për aksidentin që ka ndodhur mbrëmë në Krushevë të Madhe të Klinës, që për pasojë vdiqën një burrë dhe një grua.
Në këtë aksident janë përplasur një furgon me një tren.
Sipas policisë, deri te aksidenti dyshohet se ka ardhur kur drejtuesi i automjetit nuk është ndaluar te shenja “STOP”, para vendkalimit mbi hekurudhë.
“Aksidenti dyshohet se ka ndodhur pasi drejtuesi i automjetit, tanimë i ndjeri, nuk e ndali automjetin në shenjën ‘STOP’ para vendkalimit mbi hekurudhë, me ç’rast është goditur nga treni. Vdekjen e viktimave e ka konstatuar ekipi mjekësor. Me urdhër të prokurorit trupat e pajetë janë dërguar për obduksion”, njofton policia./teve1.info/
