Deputeti i LVV-së, Armend Muja ka reaguar të shtunën për mosreagimin nga liderët e bashkësisë ndërkombëtare kundër djegies së dyqanit të nënkryetares së Zveçanit, Natasha Tomaniq.
Muja ka thënë se janë bërë 24 orë nga sulmi, dhe nuk ka asnjë reagim ndërkombëtar dhe nuk është dënuar sulmi.
“Kanë kaluar mbi 24 orë nga djegia e dyqanit të nënkryetares së Zveçanit, Natasha Tomaniq. Natasha është një serbe e Kosovës. Deri më tani askush nga bashkësia ndërkombëtare nuk ka reaguar e as nuk e ka dënuar sulmin”, shkruan Muja.
Deputeti kosovar me theks të veçantë ka etiketuar Ambasadën Amerikane, Gjermane dhe atë të BE-së.
Gjatë ditës së djeshme, nënkryetares së Komunës së Zveçanit, Natasha Tomaniq iu dogj lokali i punës. Ajo dyshon se mbrapa kësaj janë përfaqësuesit e Listës Serbe derisa ka thënë se kjo gjë nuk e ndal për vazhdimin e punës për institucionet e Kosovës./teve1.info/
Over 24hrs have passed since Deputy Mayor of Zveçan, Natasa Tomanic’s shop was burnt down. Natasa is a Kosova Serb. So far no one from the international community has reacted nor condemned the attack.@USEmbPristina, @GermanAmbKOS, @EUKosovo
— Armend Muja (@ArmendMuja) March 9, 2024
