Ministrja e Tregtisë Rozeta Hajdari theksoi se sado eksporte të vogla të jenë këto mund të rrezikojnë furnizimin e popullatës në të ardhmen.
“Në bashkëpunim dhe komunikim të afërt me Doganën e Kosovës, me takime të shpeshta me drejtorin e Doganës dhe ekipin e tij, duke na përcjellur edhe në baza ditore raportet e gjeneruara automatikisht për importin e derivateve të naftës, produkteve bazike ushqimore si dhe për njoftimet për eksportin e disa mallrave esenciale, sado eksport i vogël të jetë mund të rrezikojnë tutje furnizimin e popullatës tonë në të ardhmen. Prandaj për të lehtësuar gjendjen propozjmë ndalimin e përkohershëm të eksportit dhe të rieksportit të disa produkteve themelore agroushqimore”, tha Hajdari.
Tutje, ajo shtoi se vendimi i propozuar ndalon eksportin dhe rieksportin e produkteve si drithërat, mielli, vaji ushqimor, sheqeri dhe kripa.
Ky vendim u miratua me asnjë votë kundër dhe asnjë abstenim. /Teve1.info/
