Jashari tha se para se Kurti të bëhej kryeministër, së bashku bënin plane të përbashkëta, teksa pasi erdhi në Qeveri patën një takim të tmerrshëm me të.
I ftuar në “Këndi i Debatit” në Tëvë 1, Jasharaj theksoi se Kurti i kishte etiketuar secilin me cilën parti janë.
“Është një çudi tjetër, pa e bërë koalicionin me LDK-në në Qeverinë Kurti 1, sa herë i duhej na çonte selam ose na atij, dhe na takonte, e bënim plane të përbashkëta se si do të duken sindikatat, se sa bukur do ta kenë punëtorët dhe kur e arriti marrëveshjen me LDK-në dhe u ul në kolltukun e tij, kishim një takim të tmerrshëm me të. Ne shkuam t’ia urojmë detyrën dhe t’ia shprehim secili brengat tona dhe nuk pritëm që atë ditë ai ta çelë ndonjë kufer të madh e të na realizojë kërkesat, mirëpo qasja e tij ishte tepër jokorrekte, duke na etiketuar ti je me atë, dhe me atë, dhe unë po them me kë jam unë e s’jam, vendos vetëm anëtarësia”, shtoi Jashari. /Teve1.info/
