Analisti politik, Visar Xani ka përshëndetur thirrjen që Parlamenti Evropian i ka bërë Bashkimit Evropian për heqjen e menjëhershme të masave ndaj Kosovës.
Xani tha se ky rekomandim është i rëndësishëm, por që nuk mund të presim ndonjë efekt.
“Çdo rekomandim është i mirëseardhur, por nuk është një detyrim që duhet zbatuar në vijim. Gjithsesi kjo është një aspekt pozitiv, pasi mund të përdorët, një argument më shumë që edhe brenda BE-së ka pajtim që drejtësi në masa dhe devijimi në një pabalancim në dialog veç se është prezent, por që nuk mund të presim ndonjë efekt dhe se efekti për masa mund të burojë vetëm nga Kosova. E them nga Kosova, pra nga politika e Kosovës dhe na veprimet që bënë Kosova dhe shumë varët nga lehtësuesit që janë në këtë proces…nuk mund të themi se pas kësaj se rezoluta mund të këtë rezultate të cilat edhe mund të heqin masat”, ka thënë ai në emisionin “Ditari” në Tëvë 1.
I pyetur se nëse letrat e zëvendëskryeministrit, Bisnik Bislimi drejtuar BE-së kanë pasur efekt, ai tha jo, pasi sipas tij masat janë ende prezente.
Ai tha se nëse Bislimi dëshiron që të largohen masa, duhet ta bëjë këtë me punë dhe veprime në terren.
“Jo pasi po e shohim se ende janë prezent masat, po e shohim se nuk është në agjende heqja e masave, madje ka kërkesa të tjera që vinë karshi z.Bislimit dhe kam përshtypjen që z.Bislimi ma të qëndrueshme do të kishte po t’i hapë letrat që vinë nga lehtësuesit dhe nga Bashkimi Evropian, t’i analizojë ato, t’i lexojë ato dhe t’i përgjigjet…Për Bislimin nëse dëshiron me i hek masat është obligative me u përgjigje më punë dhe veprime në terren. Pra, nuk besojë që është në pozicion që përmes letrave Bislimi të ndryshojë situatën dhe se konsiderojë që ai ka role të rëndësishëm në heqjen e masave në kuptim të brendshëm…”, ka thënë ai.
Ndryshe, Parlamenti Evropian i ka bërë thirrje Bashkimit Evropian për heqjen e menjëhershme të masave ndaj Kosovës.
Kështu thuhet në Rezolutën e miratuar të enjten nga Parlamenti Evropian.
Në këtë Rezolutë po ashtu i bëhet thirrje BE-së që të miratojë një qasje të balancuar për ndërmjetësimin ndërmjet palëve në dialog në mënyrë që të kapërcehet ngërçi aktual./teve1.info
