Liria e Prizrenit nuk e ka ndërmend të dorëzohet në luftën për mbijetesë në Superligën e Kosovës në futboll.
Liria është forcuar me tre futbollistë, të cilët do të jenë pjesë e ekipit deri në fund të këtij edicioni.
Sulmuesi i krahut, nigeriani Ubong Ekpai vlerësohet si përforcimiI duhur, duke pasur parasysh se Lirisë i është bashkuar nga Sllavia e Pragës.
Po ashtu, edhe sulmuesi Flavio Mecja do të jetë pjesë e Lirisë, ndërsa më herët ka luajtur në Shqipëri për skuadrat Egnatia dhe Erzeni.
Ndërkohë, qendërmbrojtësi Klaidi Cela i bashkohet Lirisë nga Kanadaja, vend ku është zhvilluar dhe ka luajtur si futbollist.
Skuadra nga Prizreni që zë vendin e fundit në Superligën e Kosovës me vetëm 9 pikë, ka paralajmëruar edhe përforcime të tjera në ditët në vijim. Ndeshjen e radhës, Liria e luan në shtëpi kundër Fushë Kosovës.
Kjo ndeshje luhet të dielën prej orës 13:00 në stadiumin “Përparim Thaqi” në Prizren.
