Molliqaj ka thënë kriza nuk i prek të gjithë njëjtë, por sipas tij as ndihma nuk ndikon njëjtë, shkruan teve1.info
“Një punëtor i sigurimit ose një shitës në një qendër tregtare paguhet 180-200 euro në muaj. Ata do t’i ndihmon njëjtë sikur menaxherët që marrin 1000 ose 1200 euro. Të gjithë nga 100 euro.Një student i Universitetit Amerikan që arrin ta paguajë 6000 euro vitin nuk mund të trajtohet njëjtë me një student nga Universiteti i Prishtinës që mezi e paguan konviktin e menzen. I pari i harxhon këto 100 euro për një natë, tjetri e paguan konviktin për 1 muaj”, ka shkruar Molliqaj në Facebook.
“Të gjithë njëjtë nuk është drejt”, ka shkruar ai.
Molliqaj ka thënë se trajtimi i njëjtë i njerëzve që janë në situata të ndryshme e rritë pabarazinë dhe ia humb efektin parave.
Ndryshe, sot për këtë vendim kanë reaguar edhe kryetari i AAK-së, Ramush Haradinaj dhe Sekretari i PDK-së Bernard Nikaj në konferencë për media.
