Selektori Rami Hadar në ditën e ndeshjes ka vendosur për 12-të basketbollistët, në të cilët do të llogarit për ndeshjet e këtij muaji në kuadër të parakualifikimeve për Kupën e Botës 2027.
Federata e Basketbollit të Kosovës (FBK), të enjten ka publikuar listën finale, në të cilën është konfirmuar mungesa e qendrës Lis Shoshi.
Krahas Shoshit, pjesë e listës nuk janë as Erjon Kastrati, Dominic Artis e Jan Palokaj. Këtij të fundit nuk i është kompletuar dokumentacioni, ndërsa Shoshi, Kastrati e Artis janë të lënduar.
Ndeshjen e parë të Grupit A, Kosova e luan sonte prej orës 19:00 kundër Irlandës në Prishtinë. Ndërsa, duelin e dytë të këtij muaji, Kosova e luan të dielën në Baku ndaj Azerbajxhanit. Pjesë e këtij grupi është edhe Zvicra.
