Gashi ka thënë që Prokuroria Speciale duhet të tregoj të vërtetën, pa manipulime.
Sipas Gashit, Prokuroria Speciale e Kosovës ekspertizën e ka marrrë para 12 ditëve, shkruan teve1.info
“Qëllimisht apo rastësisht bën hapa të gabueshme në rastin e hetimit të vrasjes së Astrit Deharit, ajo ka publikuar një komunikatë për media me komente të veta para se të ju dërgoj kopje të ekspertizës shtesë të Institutit Zviceran fillimisht familjes së Astrit Deharit si dhe mua si përfaqesues ligjorë i familjes Dehari”, ka thënë Gashi.
Tutje Gashi ka thënë se Prokuroria për të mos e manipuluar opinionin do të duhet fillimisht të tregoj se ku i kanë marrë gjurmët e ADN-së.
“Prokuroria për të mos e manipuluar opinionin do të duhet fillimisht të tregoj se a kanë marrë gjurmë të ADN- së nga të burgosurit që kanë qenë në Qendrën e Paraburgimit në Prizren me 05.11.2016, a kanë marrë gjurme të ADN- së i gjithë stafi i Qendrës së Paraburgimit në Prizren, a kanë marë gjurmë të ADN-se nga ana e gardianeve dhe policëve të cilët Astrit Deharin e kan nxjerrë të gjallë – me shenja jete e nga Qendra e Paraburgimit në Prizen dhe të vdekur – pa shenja jete e kanë dërguar në spitalin rajonal të Prizrenit”, ka shkruar ai./teve1.info
https://teve1.info/lajmet/3prokuroria-pranon-raportin-e-institutit-te-zvicres-per-rastin-e-astrit-deharit/
