Thomas Tuchel do të jetë trajner i Bayernit deri në fund të këtij edicioni.
Me të përfunduar edicioni, Tuchel do të largohet nga skuadra bavareze, kanë njoftuar të mërkurën mediumet gjermane.
Mësohet se marrëveshja është arritur mes palëve për ta shkëputur kontratën në verë, ndonëse Tuchel ka kontratë me Bayernin deri në vitin e ardhshëm.
Në fakt, Bayerni pritet që gjatë këtyre ditëve ta zyrtarizoj largimin e Tuchelit në fund të edicionit. Vendimi për këtë është marrë pasi te Bayerni nuk janë të kënaqur me rezultatet e ekipit nën drejtimin e Tuchelit këtë edicion.
Bayerni ka ngecur në garën për titullin e kampionit në Bundesligë, është eliminuar nga Kupa e Gjermanisë, si dhe ka humbur duelin e parë nga Lazio në kuadër të 1/8 së finales të Ligës së Kampionëve. Në Bundesligë, Bayerni është i dyti në tabelë dhe ka tetë pikë më pak se Bayer Leverkuseni që është lider.
