Dy persona janë plagosur me armë zjarri në Prishtinë, të mërkurën në mbrëmje.
Rasti sipas Policisë së Kosovës ka ndodhur rreth orës 21:00, në lagjen “Bregu i Diellit”.
Zëdhënësja e PK-së, Flora Ahmeti, për teve1.info tha se të plagosurit janë dërguar për tretman mjekësor, ndërsa tre persona janë arrestuar si të dyshuar.
“Bazuar në të dhënat fillestare dyshohet se me armë zjarri janë plagosur dy persona, të cilët janë dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore ndërkohë që lidhur me këtë rast deri tani janë arrestuar tre persona të dyshuar”, ka thënë Ahmeti.
