Një paralajmërim në lidhje me dinarin erdhi në adresë të Qeverisë Kurti nga shtëpia e bardhe.
Ndihmës Sekretari Amerikan i Shtetit, James O’Brein prerazi tha se me këtë vendim, Kosova e ka vënë në rrezik partneritetin me Shtetet e Bashkuara të Amerikës.
Por, këto sugjerime të O’Brien i ka hedhur poshtë kryeministri, Kurti duke thënë se partneriteti me SHBA-në nuk po rrezikohet.
“Republika e Kosovës nuk ka partner, aleat edhe mik të rëndësishëm se SHBA-në. Kështu e konsideroj dhe bashkëpunoj si kryeministër i Kosovës. Banka Qendrore e Kosovës ka prezantuar një plan 10-pikësh për zbatimin e Rregullores së saj. Ne jemi një Republikë demokratike. Qeveria nuk u mbivendoset institucioneve të pavarura siç është BQK-ja”, tha Kurti të mërkurën.
Kurti u pyet për deklaratën e O’Brien sërish nga gazetarët, andaj kryeministri përsëriti qëndrimin se raportet me Amerikën nuk po rrezikohen.
Por, deputeti nga radhët e Partisë Demokratike të Kosovës, Isak Shabani po konsideron që paralajmërimi amerikan është shqetësuar për Kosovën.
Ndërsa, profesori universitar Dritëro Arifi thotë se me këtë qasje Kosova po del humbëse me ndërkombëtarët.
Ndërkohë, Kryeministri Kurti ka mbrojtur vendimin për dinarin edhe të mërkurën duke thënë që ai nuk parasheh masa ndëshkuese në planin 10 pikësh të BQK-së për zbatimin e rregullores rreth dianrit.
