Skuadra e Trepçës është gjysmëfinalistja e parë e turneut “Final 8” të Kupës së Kosovës në basketboll.
Në ndeshjen e parë të këtij turneu, Trepça e mposhti skuadrën e Istogut në çerekfinale me shifrat 84:51.
“Final 8” ka nisur të martën dhe do të mbahet deri të shtunën në Gjakovë. Trepça dominoi tërësisht ndaj Istogut dhe me lehtësi avancoi tutje.
Skuadra nga Mitrovica, i fitoi të gjithë çerekët, ndërsa shkëputjen në rezultat e bëri në periudhën e dytë dhe të tretë. Çerekuin e dytë, Trepça e fitoi me shifrat 21:8, ndërsa të tretin 21:11.
Kevin Bracy-Davis ishte më efikasi te Trepça me 13 pikë e 8 kërcime, ndërsa me lojë të mirë u veçuan edhe Devonte Upson e Drilon Hajrizi që kontribuan me nga 12 pikë e shtatë kërcime. Në anën tjetër, te Istogu me të dalluarit ishin Daquan Brooks (15 pikë) e Tyres Prince (14 pikë).
