“Ai është një palaço politik, i cili nuk ka lidhje me këtë për shkak se në pushtet Sami Saliu ka qenë edhe me Ragmi Mustafen e PDSH-së i cili nuk ka qenë pjesë e asaj marrëveshje e madje edhe në këtë zgjedhje ka kërkuar bojkotim dhe kundërshtimin e zgjedhjeve parlamentare”, është shprehur Mustafi.
Në emisionin “Ditari” me Flaka Zogun më Tëvë1 Ragmi Mustafi ka thënë se me ardhje në pushtet të kryetarit të ri Shqiprim Arifi, Presheva do të përballet me një proces eksperimental ku do të bllokohen të gjitha proceset për harmonizimin e qëndrimeve të përbashkëta për Preshevën Bujanovcin dhe Medvexhën dhe për Luginën e Preshevës.
“Presheva është e dënuar t’i kthehet një kavje eksperimentale, mediokritetit, pa kontinuiteti, gjuhës skandaloze ku kjo edhe do ta bllokojë për çfarëdo procesi për harmonizimin e qëndrimeve të përbashkëta për Preshevën Bujanovcin dhe Medvexhën dhe për Luginën e Preshevës. Besoj që tashmë kemi rikthimin e pragmatistëve që kishin katandisur Komunën e Preshevës në një qorrsokak para një viti, një koalicioni i cili ishte bërë për zgjedhjet parlamentare në një listë që quhet ADSH, Lugina e Bashkuar e udhëhequr nga Shqipërim Arifi dhe Sami Salihu e të cilët e kishin derlegjitimuar vetën në Preshevë me më pak se 2 mijë vota që kishin marrë në Komunën e Preshevës madje diskursi i tyre jo vetëm që ishte personal por kjo shumicë u krijua me blerjen e një këshilltari nga radhët e Partisë Demokratike Shqiptare se asamblistët e Komunës së Preshevës e kanë shndërruar në një Pazar shitblerjesh mandatesh e votash për interesa në radhë të parë”, ka shtuar ai më tutje në Tëvë1.
