Zëvendëskryeministri i Kosovës, Besnik Bislimi, thotë se rregullorja e re e BQK-së s’ka pasur si ta anulojë përdorimin e dinarit, meqë një gjë e tillë s’ka qenë e lejuar asnjëherë.
Bislimi ka thënë se kjo rregullore s’është derivat i negociatave politike në Bruksel dhe s’ka ndikim në procesin e normalizimit me Serbinë.
“Rregullorja e sipёrpёrmendur nuk ёshtё produkt i negociatave politike nё Bruksel dhe si e tillё nuk ka se si tё ketё ndikim nё mbarёvajtjen e procesit tё normalizimit tё raporteve mes Republikёs sё Kosovёs dhe fqinjit tonё verior”, tha Bislimi.
Ai tha se transparenca në import e valutave të huaja dhe konvertimi i tyre në EURO dhe trasnferi tek përfituesit final s’kanë se si ndikojnë në mbarëvajtjen e furnizimeve të përfitueseve e as në zvogëlimin e fuqisë blerëse të tyre.
“Andaj edhe nuk ka se si tё shkaktojё krizё humanitare e as tё privojё cilindo qytetar nga pranimi dhe shpenzimi i tё ardhurave tё tyre”, ka thënë tutje Bislimi në një postim në Facebook.
Bislimi ka thënë se vetmja gjë që zvogëlohet fuqishëm është hapësira për keqpërdorim në emër të përkrahjes e ndihmave sociale, që sipas tij është praktikë e sekserëve politikë në Beograd, të cilët Bislimi thotë se për çdo dinarë që e kanë dërguar te komuniteti serb në Kosovë kanë vjedhur 5 fish më shumë.
“Insistimi qё edhe mё tej, transferi i parave pёrtej kufirit shtetёror tё bёhet dhe tolerohet nё mёnyrё klandestine, me thasё e vetura individuale, e pastaj tё shpёrndahet pёrmes zyreve tё paregjistruara e të palicensuara, jo vetёm qё ngjason nё ide tё shekullit të 19-të, por edhe synon mbajtjen e qytetarёve pёrfitues nё ilegalitet dhe varёsi konstante nga tё njëjtёt sekserё”, ka shkruar mes tjerash ai./teve1.info/
