Policia e Kosovës i ka konfiskuar 20 patentë shoferë për shkelje të ndryshme në trafik nga 570 pika të kontrollit që i ka realizuar gjatë ditës së enjte, raporton teve1.info
Sipas komunikatës së Policisë, një kontroll i tillë është realizuar në gjithë territorin e Kosovës derisa ka për qëllim ofrimin e sigurisë në trafikun rrugor dhe parandalimin e aksidenteve.
“Gjatë zbatimit të detyrave që dalin nga ky urdhër, policia e trafikut dhe ajo e rendit publik, gjatë 24 orëve të shkuara (11.01.2024), në të gjitha rajonet e vendit kanë vendosur e zbatuar shumë Pika Kontrolli për Vetura (PKV), kështu që janë realizuar gjithsej 570 Pika Kontrolli për Vetura. Për shkelje më të rënda në trafik, ashtu siç parashihet me ligjet në fuqi, Policia e Kosovës ka konfiskuar 20 patentë shoferë”, thuhet në komunikatë.
Policia e Kosovës ka apeluar te të gjithë pjesëmarrësit në trafik që t’i zbatojnë rregullat dhe shenjat e trafikut në mënyrë që të reduktohen aksidentet rrugore.
