Kryeministri i Kosovës, Albin Kurti, ka thënë se e ka falënderuar homologun irlandez, Jan Varadkar për mbështetjen e shtetit të tij në anëtarësimin e Kosovës në Këshillin e Evropës dhe Bashkimin Evropian, raporton teve1.info
Në një konferencë për medie pas takimit me kryeministrin e Irlandës, Kurti tha se shteti irlandez është frymëzues për Kosovën sa i përket zhvillimit ekonomik.
“Irlanda është mbështetëse për anëtarësim si në Këshillin e Evropës si dhe në Bashkimin Evropian. Irlanda po ashtu ka dhënë kontribut të hershëm të cilin e vazhdon edhe sot në fushën e mbrojtjes përmes misionit të KFOR-it në Kosovë. Shteti dhe populli jonë janë gjithmonë falënderues dhe mirënjohës. Kosova mund të mësoj nga përvoja dhe ekseprtiza e Irlandës me diasporën si dhe në sektorë si bujqësia, energjia e rinovueshme dhe teknologjia. Andaj takimi i sotëm ishte një rast shumë i mirë për të diskutuar mbi marrëdhëniet tona dypalëshe, për mundësitë që kemi para vetes për t’i thelluar ato sa në rrafshin ekonomik e tregtar, ashtu edhe në atë politik e diplomatik”, tha Kurti.
