Mbi 2 mijë persona janë infektuar nga gripi sezonal vetëm nga data 1 janar i këtij viti. E kjo ka bërë që të krijohet tollovi në njërën nga QKMF-të në Prishtinë. Qytetarët ankohen për pritje të gjata.
Radhët janë të gjata për t’u paraqitur në recepsion.
E pritjet për të marrë shërbime mjekësore brenda Qendrës së Mjekësisë Familjare në lagjen Dardania janë më orë.
Shehide Kasumi tash e dy javë është infektuar me grip sezonal.
E për një infuzion, ajo thotë se është duke pritur që dy orë brenda kësaj hapësire.
E infektuar me gripin sezonal ishte edhe Lima Mustafa, e cila kishte ardhur të hënën në këtë QKMF për kontroll.
E për një javë vetëm në këtë qendër u lajmëruan mbi 2 mijë persona të prekur me grip sezonal.
Doktoresha, Nesrije Paqarada ka treguar simptomat dhe se çka po i ndihmon pacientët të kalojnë më lehtë këtë grip.
Që vaksina i ka ndihmuar që të mos infektohet me virozat dimërore, e thotë edhe një paciente e kësaj qendre mjekësore.
Vaksinimi kundër gripi sezonal ka filluar në fillim të sezonës se vjeshtës dhe mund të bëhet në disa nga Qendrat e Mjekësisë Familjare në Prishtinë.
