Tre mërgimtarë janë arrestuar, pasi të njëjtit janë përleshur me disa pjesëtarë të Policisë së Kosovës në pikën e kalimit kufitar në Merdarë.
Lajmin për teve1.info e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila tha se lëndime trupore kanë pësuar dy zyrtarë policorë.
“Sot rreth orës 10:00, në Merdarë ka ndodhë një incident, ku patrulla e policisë është sulmuar nga persona të dyshuar. Në këtë rast lëndime trupore kanë pësuar dy zyrtarë policor. Pas vënies nën kontrollë të situatës dhe shoqërimit në stacion të tre personave të dyshuar, policia në koordinim me prokurorin e shtetit, kanë nisë një hetim për veprën Sulm ndaj personit zyrtar”, ka thënë Ahmeti./teve1.info
