Autoritetet e Serbisë nuk e kanë lejuar ministrin e Punëve të Brendshme, Xhelal Sveçla, të hyjë në shtetin serb, raporton teve1.info
Lajmin për Tëvë1 e ka konfirmuar kryetari i Këshillit Kombëtar Shqiptar në Luginë, Nevzad Lutfiu.
Sipas tij, vizita ka qenë e planifikuar mbrëmjen e së mërkurës, por autoritetet serbe e kanë refuzuar.
“Ka qenë e planifikuar vizita por mbrëmë autoritet serbe e kanë refuzuar vizitën”, ka thënë shkurt Lutfiu.
Teve1.info ka kontaktuar edhe me anëtarët e kabinetit të ministrit Xhelal Sveçla, mirëpo deri në këto momente nuk ka marrë përgjigje rreth këtij rasti.
Teve1.info do të ju mbaj të informuar.
