Ka vdekur profesori i muzikës dhe dirigjenti, Bajar Berisha.
Ministria e Kulturës, Rinisë dhe Sportit ka shprehur ngushëllime për familjen e profesorit Bajar Berisha.
MKRS-ja ka kujtuar profesorin Berisha, si njeri të përkushtuar e modest në skenën muzikore, dhe si një profesor në rritjen e brezit të ri artistik.
“Me humbjen e tij, jo vetëm muzika klasike në Kosovë, por e gjithë bota e muzikës humbet një nga figurat e shquara dhe frymëzuese. Ngushëllimet më të sinqerta familjes, miqve dhe gjithë komunitetit artistik”, ka shkruar MKRS-ja në Facebook.
