Ministri i Mbrojtjes, Ejup Maqedonci, tha se Forca e Sigurisë së Kosovës është e gatshme që ta mbrojë vendin dhe sovranitetin.
Këtë deklaratë Maqedonci e bëri gjatë konferencës së fundit për këtë vit, derisa theksoi se vendosja e xhandarmërisë serbe në kufirin me Kosovës paraqet rrezik për sigurinë dhe stabilitetin.
“Ajo që mund te them është se FSK-ja ka të gjitha elementet për mbrojtjen e vendit si dhe sovranitetit. Vendosja e xhandarmerisë serbe në kufi, vet prezenca e tri brigadave paraqet kërcenim për vendin tonë dhe është pasojë e bazamentit të rrezikshmërisë, duke nisur nga Kushtetuta e saj që Kosovën e njeh si pjesë e shtetit të saj”, tha Maqedonci.
Tutje tha se “jemi në koordinimin me KFOR-in për zbutjen e situatës nga kjo qasje, por jemi duke ndërtuar edhe kapacitetet tona”.
