Instituti Kombëtar i Shëndetësisë Publike të Kosovës (IKSHPK) u ka bërë sot thirrje të gjithë qytetarëve në vendin tonë që të shmangin përdorimin e mjeteve piroteknike gjatë festave të fundvitit.
Në një postim në Facebook, IKSHPK thotë se statistikat flasin për shumë persona të lënduar rëndë e lehtë në çdo festë nga hedhja e mjeteve piroteknike kudo në vende publike.
“Qytetarë të nderuar, mos luani me mjete piroteknike! Lëndimet nuk riparohen! Ju lutemi, festoni qetë e me kujdes! Ruani shëndetin tuaj dhe të tjerëve!”, thuhet në njoftim.