Kompania Kosovare për Furnizim me Energji Elektrike (KESCO) ka njoftuar konsumatorët dhe opinionin publik që nuk ka pasur rritje të tarifave fundore.
Sipas KESCO, tarifat e energjisë elektrike janë rishikuar dhe rritur afërsisht 15% krahasuar me tarifat 2022-2023, me vendim të ZRrE-së, më 1 prill 2023.
Derisa thuhet se rritja e vlerave të faturave gjatë këtij muaji është rezultat i konsumit të energjisë elektrike për ngrohje.
“Rritja e vlerës se faturave në ketë muaj dimri është rezultat i rritjes së konsumit të energjisë elektrike, veçanërisht te konsumatorët që e përdorin energjinë elektrikë për ngrohje. Konsumimi i energjisë elektrike në vlerë më shumë se 800 kËh në muaj faturohet me tarifë më të lartë, ashtu siç paraqiten në çdo faturë te konsumatorëve”, thuhet në njoftim.
Madje thuhet se efekti tjetër i rritjes së vlerës së faturës është që vitin e kaluar në të njëjtën periudhë, Qeveria e Kosovës ka subvencionuar konsumatorët që kanë kursyer energji elektrike.
“Disa konsumatorë po marrin fatura më të larta sepse po përdorin masivisht energjinë elektrike për ngrohje. KESCO është e përkushtuar në vazhdimësi që të bëjë thirrje për kursim dhe shfrytëzim efikas të energjisë elektrike, duke ndarë këshilla praktike për secilën kategori të konsumatorëve, pikërisht për të mbrojtur konsumatorin dhe sistemin elektrik nga këto ngarkesa”.
Nga KESCO thuhet se ZRRE ka ndërtuar një strukturë tarifore të ndarë në blloqe shpenzuese. Kështu, nëse ju si konsumator familjar konsumoni deri në 800 kËh, atëherë i nënshtroheni vetëm dy blloqeve, ditën dhe natën, të cilat në dimër fillojnë nga ora 22:00 deri në orën 7:00. Ku gjatë ditës çmimi është 7.79 cent për kËh, ndërsa natën rreth 57 për qind më i lirë, pasi llogaritet me 3.34 cent për kËh.
Por që sipas tyre, çmimet ndryshojnë për konsum mbi 800 kËh.
“ Megjithatë, çmimet ndryshojnë për konsum mbi 800 kËh. Nëse një konsumator konsumon 1600 kËh, atëherë pjesa deri në 800 kËh llogaritet me çmimet e lartpërmendura. Ndërsa pjesa e mësipërme llogaritet me 2 tarifa të tjera: ajo e larta gjatë ditës që shkon në 14.45 cent për kËh ose 85.5 për qind më shtrenjtë, dhe ajo e natës 6.81 cent për kËh ose gati 104 për qind më e shtrenjtë se shpenzimi nën 800 kËh. Të gjitha këto çmime janë të shënuara në çdo faturë për konsumatorët.Përveç faturës fizike, të gjitha të dhënat për kilovatët e shpenzuar gjenden edhe në aplikacionin eKESCO, bazuar në matësin dhe shpenzimet e çdo konsumatori. Po ashtu, në ëeb faqen e KESCO-s mund ta gjeni edhe kalkulatorin për kalkulim të shpenzimeve: https://ëëë.kesco-energy.com/kalkulatori.html”, thuhet tutje.
Ndryshe edhe Zyra e Rregullatorit për Energji (ZRrE), ka thënë se deri me tani nuk kanë pranuar ndonjë ankesë zyrtare nga konsumatorët në lidhje me faturat e muajit dhjetor 2023.
Në një përgjigje për teve1.info thuhet se nuk ka ngritje të çmimit të energjisë.
“ZRRE-ja, ka një proces për ankesat e konsumatorëve që konsumatorët e përdorin gjatë gjithë kohës për zgjidhjen e çështjeve në lidhje me leximin e njehsorëve, faturimin, dhe çështje të tjera. Aktualisht, ZRRE-ja nuk ka pranuar ankesa zyrtare te konsumatorëve ne lidhje me faturat e muajit dhjetor 2023”, thuhet në përgjigje.
ZRrE ka thënë se tarifat e energjisë janë duke u aplikuar sipas vendimit të datës 30 mars 2023./teve1.info./
