Malisheva ka arritur fitore të mundimshmë në shtëpi kundër Lirisë me rezultatin minimal 1-0.
Në ndeshjen që u zhvillua në stadiumin “Liman Gegaj” në Malishevë, e cila i takoi xhirosë së 17 në Superligë, përkundër rasteve asnjëra nga skuadrat nuk arritën të shënojnë në kohën e rregullt.
Vendësit patën iniciativën në lojë, mirëpo ekipi nga Prizreni mbylli mirë hapësirat mbrapa dhe tentonin daljet përpara në kundërzbritje.
Për skuadrën e drejtuar nga Qëndrim Kida, gjërat u përkeqsuan në minutën e 73’, kur Agon Xhaka pasi morri kartonin e dytë të verdhë, u ndëshkua kështu me të kuq dhe Malisheva mbeti me 10 lojtarë në fushë.
Por, Drilon Hazrollaj pasi fitoi një penallti të njejtën e shndërroi në gol vet ai, për t’i dhënë Malishevës triumfin e radhës.
Malisheva zbret në pozitën e 4, me 26 pikë, ndërsa Liria është e fundit me 9.
