Vetëm 300 vota më shumë në këto kuti, do të siguronin edhe një mandat tjetër për ish deputetin Shaip Kamberi. Në mungesë të tyre, Lugina e Preshevës nuk do të ketë asnjë përfaqësues në Parlamentin e Serbisë.
Mirëpo rivotimi në dy vendvotimet e anuluara jep pak shpresë.
Ndërkohë ish-deputeti Shaip Kamberi, përmes një postimi në rrjetin social Facebook, ka kërkuar që zgjedhjet të përsëritën në tërësi, në Luginën e Preshevës.
“Shumë shqiptarëve i është pamundësuar e drejta elementare. E drejta për të votuar. Kjo e bënë procesin zgjedhor jodemokratik. Zgjedhjet jo të lira. Prandaj zgjedhjet duhen të përsëriten në Luginën e Preshevës, duke zgjidhur paraprakisht çështjen e mohimit të së drejtës për të votuar për çdo qytetar të Luginës së Preshevës”, tha Kamberi.
Si katastrafike mospjesëmarrjen e së paku një deputeti në Kuvendin në Serbisë, po e konsideron kandidati tjetër për deputet Shqiprim Arifi.
Sipas tij, mungesa e një konsensusi nacional ka bërë që shqiptarët e Luginës të ndahen në dy lista.
Për dallim nga viti 2020-të që votuan rreth 25 mijë banorë të Luginës së Preshevës, në këto zgjedhje Parlamentare vetëm 13 mijë prej tyre e shfrytëzuan të drejtën e votës.
Raporti i gazetares Fetije Kamberi.
