Një tërmet me magnitudë 5.6 ballë goditi vendin jugor të Kaukazit, Azerbajxhanin herët të enjten, transmeton Anadolu.
Ende nuk ka informacione për viktima apo dëme pas tërmetit që goditi Azerbajxhanin në orët e mëngjesit.
Epiqendra e tërmetit, i cili ndodhi në orën 8:16 të mëngjesit sipas kohës lokale, u regjistrua në Detin Kaspik, thuhet në deklaratën e Qendrës së Shërbimit Sizmologjik të Azerbajxhanit.
Në deklaratë thuhet se tërmeti ka ndodhur në një thellësi prej 68 kilometrash.
Tërmeti është ndjerë edhe në kryeqytetin Baku.
Deri më tani nuk ka informacione për viktima apo dëme nga tërmeti.