Policia e Kosovës ka dhënë informata shtesë rreth vrasjes së mbrëmshme në Bërnicë të Prishtinës, e cila ndodhi si pasojë e plaçkitjes së armatosur, raporton teve1.info
Sipas njoftimit të Policisë, lidhur me rastin është intervistuar bashkëshorti i saj, i cili kishte arritur të largohet bashkë me dy fëmijët e tyre.
“Rr. Dlip Alshiq, Prishtinë 29.11.2023 – 020:26. Raportohet se viktima femër kosovare, derisa ka qenë me bashkëshortin dhe dy fëmijët e tyre me veturë, një person i panjohur i armatosur i ka ndaluar dhe ua ka kërkuar të gjitha gjërat me vlerë dhe është qëlluar me armë zjarri për vdekje. Lidhur me rastin është intervistuar bashkëshorti i saj, dëshmitari mashkull kosovar i cili kishte arritur të largohet nga vetura me dy fëmijët e tyre. Njësit relevante policore, prokurori dhe ndihma e shpejtë urgjente kanë dalë në vendin e ngjarjes, nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion”, thuhet në raportin e Policisë së Kosovës.