Shkëndija e Tetovës ka arritur të merr fitore në kampionat, duke mundur Rabotniçkin në shtëpi me rezultatin 2:0 në ndeshjen e luajtur sot të vlefshme për xhiron e 16-të në Superligën e Maqedonisë së Veriut. Kuqezinjtë e udhëhequr nga Ardian Nuhiu morën triumf falë golave të Shalës të realizuar në minutën e 59-të dhe Totres në shtesat.
Fitore në këtë xhiro mori edhe Struga Trim Lum, pasi në kryeqytet arriti të mposht Vardarin me shifra 3:1. Kampionët në fuqi realizuan fillimisht me Zguron nga penalltia, përderisa në vijim shënuan edhe Tairi e Campaore. Për Vardarin golin e vetëm e gjeti Milosavic.
Ndërkohë dueli shqiptarë ndërmjet Gostivarit dhe Shkupit i luajtur në Strumicë, nuk shkoi më shumë së një barazim pa gola, me të dyja skuadrat shqiptare që u ndanë me nga një pikë nga kjo përballje.
Voska Sport u mposht në shtëpi nga Tikveshi me shifra bindëse 0:3, teksa në dy takimet tjera Makedonija Gjorçe Petrovi fitoi me rezultat 1:0 Sileksin, ndërsa Brera Strumica dhe Bregallnica u ndanë me barazim 1:1.
