Edhe këtë vit Prekazi u vizitua nga mijëra shqiptarë anekënd botës. Sikur herave tjera, edhe kësaj radhe secili në mënyrë të vet nderonte familjen Jashari dhe festonte ditëlindjen e komandantit Adem Jashari. Tëvë1 ju sjell disa nga rrëfimet e vizitorëve të sivjetëm të kompleksit memorial në Prekaz.
Moti i ftohtë e reshjet me shi nuk po ia lënë shenjë ta realizojë dëshirën e kamotshme.
12 vjecari nga Klina e Ultë e Skenderajt, ka marrë udhë jo i vetëm drejt Prekazit, për ta nderuar komandantin Adem Jashari, në ditëlindjen e tij.
Qendrim Fazliu, këtë simbolikë që e nisi për këtë 28 nëntor, zotohet se do ta vazhdojë edhe për shumë vite në të ardhmen.
E nga ajri Prekazi e mirëpriti Valon Shalën, invalidin e Ushtrisë Çlirimtare të Kosovës, që bashkë me vëllain e tij, i dhanë pamje ndryshe qiellit të vendit heroik.
Të veshur në mënyrë të vecantë e të emocionuar me gjithçka që panë në vendlindjen e Jasharajve, po shihet ky qift nga Berati.
Ata me emocione u bënë thirrje të gjithë shqiptarëve që mos ta humbasin ndjenjën e vizitës në Prekaz.
Derisa, pranë kullës po qëndrojnë e këndojnë këta të moshuar nga Tirana.
Më i madhi i gjithë historisë shqiptare, po e cilësojnë komandantin Adem Jashari dhe familjen e tij.
Kulla pranoi edhe mijëra vizitorë të tjerë përgjatë gjithë të martës.
Aty në mënyrë të organizuar dhe grupe të tjera familjare zgjodhën vendin ku 25 vjet më parë heroikisht ranë 58 anëtarët e familjes Jashari.
E 28 nëntori, përvec si datë e shpalljes së Pavarësisë së Shqipërisë dhe daljes publike të UCK-së, shënon edhe ditëlindjen e Adem Jasharit.
Arton Rama
