Sot në qytetin e Podujevës është zbuluar shtatorja e veprimtarit të çështjes kombëtare, Adem Demaçi.
Në këtë ceremoni kanë marrë pjesë kryeministri Albin Kurti me disa nga ministrat e tij, kryetari i Podujevës Shpejtim Bulliqi dhe familja e Adem Demaçit.
Kryeministri, Albin Kurti në fjalimin e tij para të pranishmëve tha se “sot jemi mbledhur për një homazh më shumë, e për një imazh më të ngurtë të njeriut tonë të madh politik Adem Demaçi”.
“Heroi mund të jetë i vetëm në jetë por nuk është kurrë jetim në histori. Me këtë intuit që përbashkon poetin dhe luftëtarin, vullneti i Adem Demaçit e mbanë lehtë një të tretën e jetës në burg”, tha Kurti.
Ndryshe, me prejardhje nga fshati Lupq i Podujevës, Demaçi u lind më 26 shkurt 1936 në Prishtinë, ndërsa më 26 korrik 2018 ndërroi jetë.
Për angazhimin e tij politik, Adem Demaçi vuajti 28 vjet me radhë në burgjet e Jugosllavisë. Pasi u lirua ai menjëherë vazhdoi aktivitetin e tij politik. Ai u quajt edhe Nelson Mandela i Evropës./teve1.info./