Në komunikatën e policisë nuk bëhet e ditur se kush është i arrestuari, derisa aty tregohet se ka të bëjë me mashtrim.
Ai sipas PK-së kishte mashtruar duke kërkaur para përmes medieve e rrjeteve sociale për shërim.
“Më datën 04.04.2022, pas një pune hetimore dhe operative dhe pranimit të informatës se i dyshuari mashkull kosovar, i cili ishte në kërkim, gjendet në një lokal në Prishtinë, Njësia për Hetime Rajonale në Prishtinë, në bashkëpunim me Njësinë ‘FAST ILECU’, ka bërë arrestimin e të dyshuarit. M.K.( 1986) për veprën penale “Mashtrim”. Më datën 17.06.2021, në NJHP në Prishtinë është raportuar rasti ‘Mashtrim’, ku i dyshuari me inicialet M.K., me qëllim të përfitimit material në mënyrë të kundërligjshme për vete apo personat e tjerë, përmes mjeteve të informimit, portaleve dhe rrjeteve sociale, ka kërkuar mjete financiare nga qytetarët për shërim. Ai pas kërkesës që ka bërë, ka pranuar mjete financiare në llogarinë e tij bankare”, thuhet në komunikatë e PK-së.
Pas verifikimit në sistemin e të dhënave rezulton se i dyshuari ka dy urdhër arreste aktive dhe në koordinim me prokurorin i dyshuari dërgohet në vuajtje të dënimit./teve1.info/
