Ballkani ka fituar me rezultat 2-0 në udhëtim te Malisheva në ndeshjen e vlefshme për javën e 15-të në Albi Mall Superligën e Kosoëvs.
Ekipi i Ilir Dajës ka vazhduar serinë e fitoreve duke marrë edhe të pestën radhazi pas triumfit në stadiumin Liman Gegaj.
Pjesa e parë e ndeshjes u karakterizua me dominim të mysafirëve, të cilët përveç rasteve të shumta arritën të shënojnë edhe dy gola.
Goli i parë i ndeshjes erdhi në minutën e 30-të me anë të Nazmi Gripshit për 0-1, ndërsa Albin Berisha shënoi në minutën e 45-të për 2-0.
Në pjesën e dytë, përsëri mysafirët ishin skuadër më e mirë, me më shumë raste për gol, por pa arritur t’i tundin rrjetat.
Në fakt, Ballkani shënoi në minutën e 89-të me anë të Bleart Tolaj, por goli u anulua për pozitë jashtë loje dhe në fund ndeshja u mbyll me fitoren 2-0.
Pas kësaj fitore, therandasit e shohin veten në pozitën e parë me 35 pikë apo 10 më shumë se Drita e dyta, ndërsa Malisheva renditet e katërta me 20 pikë.
Në ndeshjen e ardhshme, Ballkani e pret Fushë Kosovën, ndërsa Malisheva udhëton te Llapi.
