Deputeti i Lidhjes Demokratike të Kosovës, Avdullah Hoti ka reaguar sot pasi Gjykata Kushtetuese e ka rrëzuar Ligjin për Masat e Përkohshme të Produkteve Themelore në Raste të Veçanta të Destabilizimit në Treg.
Hoti në Facebook ka shkruar se LDK-ja beson në ekonominë e tregut, konkurrencë e lirë dhe në iniciativën private për të ardhme e zhvillim.
Derisa sipas tij, sistemet e komanduara kanë dështuar dhe se ata që tentojnë t’i ringjallin lodhen kot.
“Lidhja Demokratike e Kosovës beson në ekonominë sociale të tregut, në konkurrencën e lirë e në iniciativën private për prosperitet e zhvillim. Sistemet e komanduara kanë dështuar. Ata që tentojnë t’i ringjallin lodhen kot.Gjykata Kushtetuese ka rrëzuar Ligjin për Masat e Përkohshme të Produkteve Themelore në Raste të Veçanta të Destabilizimit në Treg”, ka shkruar tutje Hoti.
Kushtetuesja e rrëzon Ligjin për Masat e Përkohshme të Produkteve Bazë