Ministrja e Drejtësisë, Albulena Haxhiu tha se për herë të parë, përmes një konkursi dedikuar vetëm për gratë, në 24 vjetorin e themelimit të Shërbimit Korrektues të Kosovës, janë Certifikuar 45 zyrtare korrektuese.
Sipas Haxhiut, me këtë punësim arrihet pavarësia ekonomike për gratë.
Derisa të diplomuarave u ka uruar suksese.
“Pavarësia ekonomike e grave përmes punësimit. Për herë të parë, përmes një konkursi dedikuar vetëm për to, sot në 24 vjetorin e themelimit të Shërbimit Korrektues të Kosovës, janë Certifikuar 45 zyrtare korrektuese. Suksese të gjithave!”, ka shkruar Haxhiu.
Ndryshe, Shërbimi Korrektues i Kosovës (ShKK), të premten ka shënuar 24-vjetorin e themelimit, me ç’rast u diplomua gjenerata e 43-të e zyrtareve korrektuese.
Nga kjo gjeneratë të diplomuarat ishin gra, për të cilat kryeministri i Kosovës, Albin Kurti, tha se me qëllim të ngritjes së kuotës gjinore, ShKK-ja po certifikon 43 zyrtare gra.
